تم نقل المدونة الى العنوان التالي malek-x.net

تم نقل المدونة الى

مالكوم اكس

http://MaLek-x.net

من باب يحكى ان

يحكى انا احمد شوقي قال

احرام على بلابله الدوح حلال لكل طير من جنس ونوع

ملك حرامي والاسم مهلبيه

وبلد بتلالي والعمر سمسيه

وناس تايه والاصل حلوانيه

ولا حد عارف فين البغاشه ولا السودانيه

قال حيورث المهلبيه لابنه المغلي في الطعميه

رد الموكوس ابو طلعه فتيه

انا اخدت الفلوس وهربتها ع البندقيه

دور انتا على البغل الكبير ولبسه السلطانيه

مسك البغل تجمع الجزمجيه

ونادى بصوت عالي وقال بصوا يا شعب

انتم من التراب للتراب

تعودوا ونحن من فنسيا لفينسيا نعودوا

ولفا تحسبن الفلافل المغليه يوما

مساويه لاسيادكم اكلي اللحوم المخليه

ولا تنسواان احنا فوق رقابيكم قاعدين

ولا خر اعمار عيالكم دايسين

ومتفكروش في الثروه او الثوره

فالبلد بلد ابويا الحمار الكبير

وتنحنح ثم نزل من على السلطانيه

ليمسك بامور المهلبيه

والمهلبيه كتار

وافقين ع الباب زنهار

والناس رايحه في النوم

واكلين من الخوف توم

وحاميها حراميه ولو وسيها

والناس من الرعب انسخطت لفار

والفار طار زي ما العرض هوا كمان طار

وانقلبت لشخشيخه ممكن تسموها مورجيحه

اه يا بلد فيكي الخنزير وزير

وان كان مينعزش يبقى زير

والاكاده انه كله في البطاقه مصري

لا متخافش دا الاصل مرضي

ومن الخوف اشكال زي ما البلد الوان

ويحكى ان ومن ان يحكي

وعلى رأي سرور

منين اجيب ناس لمعناة الكلام يتلوه

يقولوا مره الحجيجه ليه الجدع خانوه

بداية

كنت ناوي اعمل فيها اخ من الاخوه المثقفين واكتب عن حالة الجيل الجديد والشباب والبتاع

بس لقيت نفسي قرفان بجد وماليش نفس اكتب عن حاجه من كدا

طب اكتب ايه ؟

لازم تكتب؟

اومال متنيل على عينك وعامل مدونه ليه ؟

عشان لقيت الكل عامل رحت عامل انا راخر اشمعنى هما يعني ؟

ياراجل ؟

مش عارف:D

بعد وقفه بسيطه

حسيت اني لازم اقدم حاجه غريبه ممكن

مختلفه اكتر

اعتقد ان حيكون عدد المتابعين قليل(ان مكانش معدوم

بس مش مهم اديني بنفش خلقنا زي اخوننا اللبنانيين ما بيقولوا

الموضوع الاكثر اثارة للجدل الايام دي ظهور طرفين ع الساحه بقوه وبمنتهى التضاد

الاخوه الليبراليين والاخوه السلفييه

حنحاول في الوقت اللي جاي اننا نبدأ بنوع من انواع السخريه العرض للاتنين

يلا

راجعين

لقاء مع كبير زريـبـه الـمـتحدة

دا موضوع كان اتكتب من فتره كان بالاشتراك مع صديق كان هو بيسئل وانا اقوم بالاجابه

وشفت اني احطه هنا لعل وعسى

:D

-السيد الرئيس..هلا فسرتم لنا -مبدئيا- موقف دولتكم من بعض القوى المعادية للأمة العربانية؟!ما موقف دولتكم من تصرفات شارون ووزير دفاعه ناعوم بن منخور؟!

احم احم شي يا بقره منك له ليه لوه دخل يا حمار منك ليه البهايم في الزريبه انتا يا دحش متسرحش بالبهيمه برا الزريبه لوحديكم شايفكم انا قطر يحش بدنك منك لييه ايوه ايوه عايز ايه يا سيدي ؟خير ؟انا على الهوا ؟يا بهيم ؟بجد ؟والله احنا في زريبه ديمقراطيه تماما وكل واحد عندنا بينام في المطرح اللي مريحه وكل البهايم في زريبتنا على احسن حال ومتفكرش ابدا انهم محتاجين اي حاجه وبعدين متفكرش ان حد فيهم عايز يغير الاداره العامه للزريبه ولا حاجه ولا في اي دعاوي من كدا دي قله منحرفه من المعيز والخرفان بيتمولوا من برا وانتا فاهمني طبعا وانا بحمد ربنا ان البهايم كلها عارفه المسئوليات الجمه اللي عليا من تربيتهم وعلفهم ودبحهم للخواجه الاسترالي (ايه انا بطلع برا الموضوع ؟ طب لم نفس اللي خلفوك لأطلعك برا الدنيا خالص )ايه السؤال الاول ؟هاء هاء هاءهوا انا حقولك حاجه والمفروض انك تفهمني كويس الدول المعاديه للعربجخانه معروفه كويس ومكشوفه الاعيبه جوا الزريبه بتاعتنا وواضح جدا اننا لا بنهاود ولا بنسكت عن الافعال الفاضحه وواضح اكتر اننا حناخد على حافر كل بهيم تسول له نفسه انه يتعامل معاهم (من ورانا لو قالنا واشتغل معانا مافيش مانع ابدا لانك عارف ان احلى شغل شغل النور ونفع واستنفع ونتا فاهم طبعا)عموما احنا نهقنا ورفسنا و جعرنا واكيد هما حيختشوا وان مختاشوش طبعا انتا فاهم اننا لازم احنا اللي نختشي عشان مصلحة الزريبه ودا يوصلني للسؤال التاني لاني حاسس ان في ربط بين شارون والبهايم المعاديه للعربجخانه شوف في مثل بيقولك تعرف البهيم ؟تقوله اه يقولك رفسك ؟تقوله لأيقولك تبأى معرفتهوش لازم الحمار او البهيم يرفسك عشان تعرفه اومال يعني حناخد الناس بالشبهات ؟ دا حتى بقره بيه جعجاوي شيخ عموم الطريقه الزريبيه العالم الاكبر قالك ان في حديث عن النبي بيقولك فيه التمس لاخوك 70 عذر (دا مش حديث يا كبير البهايم دا قول مأثور)ادبحوا البقره ابن البقره دا يعني حيفهم احسن من بقره بيه جعجاوي اسلخوا ابن البهيم دا عشان يتربى المهم اه قول الرسول وبعدين شارون دا مش اخونا بس .... دا ابن عمنا كمان (وامي راضعه من لبن امه لما كانوا جحشه مع بعض زمان)وبعدين شارون دا حمار سلام اه والله مشوفتهوش وهوا بيحارب زريبته كلها عشان يرجع لنا غزه ؟اومال ايه هاء هاء هاء هاء هاءوبعدين انا شايف ان السلام بين الزرايب مش حيتم غير على ايد واحد زي شارون دا وكلب دفاعه اومالالناس عايزه تعمل سلام دائم وشامل في زريبة الشرق الاوسط افهموا بأه وخلوا السياسه لحميرها


شكرا سيادة الريس..سيادة الريس..لعله مما يتردد في دولتكم (زعيمة دول العربجخانة)..لعله مما يتردد في هذه الدولة أمورا أثارت لغطا..فالبعض يرى أنه في حال موتك سيضيع النظام في الدولة..ومنهم من يرى أن المحروس فيه البركة..المشكلة هي في بعض الشخصيات التي ترى أنك تريد توريث الدولة لابنك دونما اعتبار لمشاعرهم!!ماذا خططتم للأمة في المستقبل سيادة الريس؟!



هاء هاء هاء هي دي مشكلة العقل البهيمي انه مش قادر يقدر ان رئاسة الزريبه دي مش حاجه سهله ولا حاجه ممكن اي حد يعملها دا انا محروم من حاجات ياما في الحياه مش عارف اخد اولادي واحفادي واعزمهم على طبق برسيم في اي دونكي زور (حديقة حيوانات للحمير)ولا اعرف ادخل سينما اتفرج على رومي وفيلمها الفاضح وبعدين ابني الحمار الكبير بيساعدني زي اي حمار ما بيساعد ابوه في الزريبه فيها ايه دي ؟والحمار اللي نعرفه احسن من الحمار اللي منعرفهوش وبعدين الولد متربي في الزريبه طول عمره وفي مجلس قيادتها يعني عنده الغباء الفطري للحكم انا لحد الان مش فاهم انتوا عايزين ايه ؟برسيم ؟وبتحشوه بهايم وحمير نسوان ؟ومغرقينكم في كل مكان خشخاش وافيون ؟وبتاكلوه كل يوم بهايم على درجة شيخ اسلام ؟والزريبه مليانه منهم دا انا حتى حفيدي حيطلع حمار مستشيخ انما ايه ديلك يعنيوبعدين مشاعر ايه ؟من امتى سمعت عن بهايم عندها مشاعر ولا كرامه ؟هوا شي بتمشي حا بتجري هس بتقف المهم عندهم موسم التزاوج والبرسيم والحمدلله وصلنا لتقنيه جديده بأينا نوزع على البهايم الاناث في فصول الزريبه حبوب منع الخلفه عشان عدد البهايم ميكتروش يعني مأكلينكم مشربينكم لا مؤاخذينكم عايزين ايه كمان ؟حتكفروا اتفوا عليكوم بهايم ولاد بهايم صحيح وبعدين تعالى هنا مستقبل ايه اللي بتتكلم عليه ؟انتا متعرفش ان المستقبل بإيد الله ؟متعرفش انك ممكن بعد ثانيه تموت (وفاه طبيعيه طبعا بالسكته القلبيه )او ممكن تهاجر برا الزريبه تماما ؟او ممكن ديلك يتقطع وتقعد في بيتكم ؟مستقبل ايه دا ؟وبعدين المستقبل في يد الله انتا حتكفر كمان وتبقى زي العالم اللي بتفهم الدين بالعقل ؟حتبأى اشعري يا بهيمه ؟والله وتالله وبالله لاخصم منك تمن اقراص الجله اللي بتبيعها في السوق السودا لو مسكتش (الجله لا مؤاخذه يعني هي روث البهايم وتستخدم في التسميد في كل انحاء الموكوسه)قال مستقبل قال روح استحمي يا ولا واتطهر واتشهد وجددد ايمانك من جديد بدل ما اقيم عليك الحد



سيادة الريس..ان بعض الأصوات في دولتكم تطالبكم بما سموه (باستراحة من أعباء الحكم)..هل لدى سيادتكم نية لمثل هذا الأمر؟


أعباء (الولا دا حيتبعت السلخانه قريب فاهم )شوف موضوع الاعباء دا المفروض انك تكون اول واحد فاهم ان ربنا بيخلق البهايم المناسبه في المكان المناسب وزي المقوله القديمه اللي بتقول كيف انزع ملك ألبسني اياه الله (مقوله معاويه بن ابي سفيان )وبعدين شعب الزريبه هو اللي اختارني كل مره في الاستفتاء بيختاروني انا واحنا عندنا حريةنهيق بتكفل لنا اللي عايز يقول حاجه يقولها نهق زي منتا عايز وأرفس انا زي منا عايزدي منتهى الديمقراطيه وبعدين تعالى هناانا عشان حمار ديمقراطي بيحصل كدا منا كان ممكن اقول اني حسيب الزريبه واطلع لي كام مظاهره تقولي كَخَه كَخَه لا تتن حا بس انا عشان حمار ديمقراطي ومبحبش المظاهر الكدابه دي معملتش كدا وبعدين اللي شايف نفسه احمر مني يتقدم في مجلس البهايم ويرشح نفسه واديني لغيت لكم الاستفتا وبأه انتخاب مباشرورويني حتنهقوا ازاي


تكلمتم عن الأعباء الشديدة للحكم..نتساءل ما أهم مظاهرها..وكيف هي بالنسبة لكم؟

انتا ياتورسيب البقره اللي انتا بتجري وراها دي حرام عليكوم ايهخن وزير : سيبه ياريس ينشغل فيها احسن ما يصحى ويفضى لنا كدا احسن انتا المفروض تعمل زي موحد للبيهمات اصلا يكون يادوب يغطي الديل والباقي باين طيب يا فالح ومشلكة النسل؟خن وزير : الفكره الكويسه انك توزع حبوب منع الحمل مجاناغالي يا خنزير ومش عارف اوصل ثروتي لاكتر من 20000 بليون دولار خن وزير : طيب يا كبير ايه رئيك نعمله عملية تعقيم !!!ايه حنرش عليهم بيرسول ولا فليت عشان ينضفوا ؟؟؟؟؟؟خن وزير : لا يا ريس نعملهم عملية زي بتاعة القطط والكلاب عشان ميخلفوش نقطع لا مؤاخذه ......تصدق فكره حلو ... وبالمره نبيع الحاجات المقطوعه للمسامط في ناس بتحب الاكل دا حا حا حا حا حا في سؤال ليا مجاوبتش عليه ؟(الخروف دا اقطعله جسمه كله انا زهقت منه )ايوه يا بوفروه خير السؤال كان ايه يا ماااااااااء


تكلمتم عن الأعباء الشديدة للحكم..نتساءل ما أهم مظاهرها..وكيف هي بالنسبة لكم؟
انتا اعمى يا خروف انتا ؟مش شايف انا بعمل ايه عشانكم ؟انا بقالي اكتر من 25 سنه مكبرتش سنه ديلي اسود زي ما هو وجلدي بيلمع ماشاء الله عليا كل دا عشان افضل احكمكم يا بهايم ودا بيجي بالساهل ؟انا بعاني يا بهايم وانتوا تحسوا بايه صحيح ماهو مش فارق معاكم انتوا السن تكبروا ولا متكبروش تموتوا ولا تعيشوا المهم عندكم البرسيم والتبن والجري ورا الإتان والجموسات صحيح ماهي مش فارقه معاكم زريبه فكك صحيح وبعدين انتا مش شايف كمية الاتفاقات اللي بعملها ببلاش والبيع اللي ببعيه لجيرانا في سرقه إييل دا كله ومش عاجبكم ؟يعني بأمن لكم مستقبل مزدهر ومعيشكم احسن عصور الديمقراطيه والحريه الجنسيه عايزين ايه اكتر من كدا ؟مش كفايه مش عارف ادخل اي رستوران بيقدم وجبة بيك ماك برسيم او وساخ سينما وبتقولي ايه هي الاتعاب دي كلها ؟وبعدين مشاكل ايه اللي انتا مش شايفها دي يا خروف انتا مش شايف اني ارتقيت بمستوى الزريبه وخليت منه خنازير تحكم معايا وخليتهم خن وزيراكترمن كدا اعمل لكم ؟زريبه عايزه الحرق صحيح


سيادة الريس..هل لديكم أي نية للتنحي عن رئاسة البلاد..ولو على سبيل استراحة المحارب؟
الخروف دا مش ناوي يتهد ولا ايه في سنته دي انتا يا مااااااااااء انتا مش خايف على ديلك ؟خن وزير: ادي اخرة الديمقراطيه والحريه يا كبير لو انتا بتربيهم مكنش حد فيهم عمل كدا ... ايه يعني حبس ورا قرص الجله ولا قطع حافر ولا قطع ديل وبعدين ايه يعني اغتصاب ام او اخت او الكلام التافه دا المفروض اي حد ينطق باي كلمه يندبح على طول يا كبير انتا قلبك رهيف اوي عليهم اعمل ايه يا خنزير ماهو انا متربي على رهافة القلب دي مش بديلي والله غصب عني بقولك ايه يا خن وزير خن وزير : ايه يا كبيرنا يا حامينا يا راعينا يا مبرسمنا يا اكبر كبير عندنا بقولك ما تيجي نسلط عليه كام معزه وكام حماره على ماقسم اهي ممكن تشغله شويه عننا لأ انا عارف النوع دا من الخرفان مش حيجي كدا حيجي بالوقيعه بينه وبين باقي الخرفان خن وزير : ازاي يا كبير ؟ سهله حبقى اقولك بعدين المهم السؤال كان ايه ؟


هل لديكم أي نية للتنحي عن رئاسة البلاد..ولو على سبيل استراحة المحارب؟الاول يعني ايه محارب ؟يعني بالمنطق كدا شوفت حمار بيحارب ؟محصلتش في التاريخ المعاصر الزريبي وعلى مستوى العربجخانه كلها مافيش حد كدا يعني من الاول الفرضيه الخروفيه بتاعتك مرفوضه من الاساس ندخل في اللي بعده اني ارتاح دي انا بناقشها مع الحمار الكبير ابني على اساس انه يتمرن شوية على زريبة ابوه من بعدي وشكلي حسيبهاله واروح انا ودوسي نتفسح يومين في الزرايب اللي في الشمال دي عموما الولد طالع حمار شديد لابوه وبيعرف يدلدل راسه كويس اوي واحسن واحد يهز الدبان من على ديله وديل اللي جمبيه وبعدين ركوبه ممتازه لاصدقائنا وجيراننا من سرقه إييل يعني اي حد عايز يركب عليه بيركب مرتاح اوي ومافيش اي مشاكل بالنسبه له يعني الواد ضهر متساوي بردعه اكتر من رائعه وبعدين هوا وسيم طالع لابوه ومالهوش في الحريم (45 سنه ومتجوزتش اكتر من كدا دليل على انه مش بتاع ستات )خن وزير: في اشاعه بتقول انه له في الحمير بس والله انا لحد دلؤتي مش عارف هو له في ايه بس على كل حال انا شايف انه مشروع حمار ممتاز وقادر على تحمل جميع مسؤليات الزريبه بقوه وبادراك عالي جدا وبنظره مرحليه ومستقبليه حموريه جدا وبعدين ايه الولا عارف ربنا كويس اوي عنده شرايط ابونا شنوده كلها وابونا يوحنا بولس وعارف تاريخ مارتن لوثركويس يعني متدين متدين يعني ماشاء الله عليه خن وزير : بس دول مسيحين يا كبيريا خنزيري الدين لله والزريبه للحمير خن وزير : الله الله الله يا كبير ربنا يفتح عليك كمان وكمان .وبعدين تعالى هنا مش عيسى نبي وموسى نبي ومحمد نبي ؟ والمفروض اننا نؤمن بالاديان كلها يعني مافيش اي مشاكل من الايمان بيهم افهم يا خنزير بأه يلا كدا كفايه على الزريبه

سلام

دي مجرد تجربه اولى نشوف فيها ايه اللي ممكن يحصل

ليه اتسمى الموكوس؟

ممكن عشان الاسم دا من زمان كنت قريته كعنوان لكتاب للكبير اوي محمود السعدني

الموكوس في بلاد الفلوس

ووانا بعمل البلوج وقفت متنح

اسميه ايه

كنت حسميه زريبه

(اسقاط على موضوع كبير الزريبه لما طلع في لقاء تليفزيوني وقالك ان ابنه بيساعده في ادارة البلد زي اي ابن ما بيساعد ابوه في ادارة شكر)

بس لقيت الاسم ممكن يتحمل محامل اخرى

فمالقيتش غير الموكوس في بلاد التيوووووس

يلا

بالشفا